Macedoniae acta archaeologica 19 (2010) · стр. 305–308
Два сребрени крста од Стоби
Во акцијата на Националниот конзерваторски центар на археолошкиот локалитет Стоби кај Градско, есента 2005 година, во Палатата на Перистерија, во т.н. Западна просторија со скалила, на вториот ден од истажувањата, се открија две депоа со значителен квантитет на движен археолошки материјал.1 Во него се вбројуваат 367 бронзени монети - фолеси и полуфолеси од втората половина на VI век, еден приврзок од бронза со ромбовидна форма со вметок од црвена стаклена паста, шест мониста од црн килибар и бројни монисти од ѓердан. Меѓу споменатите наоди се издвојуваат два крста, изработени од сребро, лиени во калап, декорирани во техника на филигран, со вметоци од стаклена паста. Двата се со хронолошка припадност на VI век.
Првиот крст е со инвентарен број РН-05-03, висина 3.2 см, ширина 1.9 см. Графичка форма на малтешки крст, со мали проширувања на краевите на краците. Лиен е во два дела, потоа деловите се споени. На горниот крак има лентеста алка за закачување. На аверсената страна декориран е со впредена, филигранска сребрена жица аплицирана во двојни спирални кругови, распоредени по две на секој крај, меѓу кои се наоѓа спирално извиена жица. Во средишниот дел е вметната црна стаклена паста, околу која има кружен венец, декориран со зрнеста, филигранска жица.
РН-05-03 пред конзервација РН-05-04 пред конзервација Вториот крст е со инвентарен број РН-05-04, висина 2.8 см, ширина 1.8 см. Графичка форма на грчки крст. Лиен е во два дела, потоа деловите се споени. На горниот крак има лентеста алка за закачување. На аверсната страна е декориран со сребрена филигранска жица, аплицирана во двојни спирални кругови, во форма на ,,ЈІ“, распоредени на секој крак на краците. Во средишниот дел е вметната зелена стаклена паста.
Двата сребрени крстови претставуваат специфични примероци во стобската ставрографија од времето на раното христијанство. Материјалот и техниката на изработка ги издвојуваат како уникати не само во колекцијата на Стоби, туку и во македонската национална ставротека. Уникатноста на нивната елеганција и префинетост е изразена преку деталната посветеност на декорацијата од многу вештите раце на мајсторот изведувач.
Со овие два примероци на крстови се поткрепува теоријата дека во Стоби, во периодот на раното христијанство, особено во VI век, постоела работилница која предводела во производството на сакрални христијански предмети од применетата уметност на овој дел од Балканот, каде што крстот како симбол и предмет го носи приматот на најзастапена христијанска декорација.
РН-05-04 по конзревација
SANJA IVANOVSKA
National Conservation Center - Skopje
TWO SILVER CROSSES FROM STOBI
Белешки
- Благодарност на Миле Велчовски за отстапениот материјал и Киро Ристов за соработката. ↩
Summary
Two Silver Crosses from Stobi
During the research conducted by the National Conservation Centre at the archaeological site of Stobi at Gradsko, during fall 2005 in the Palace of Peristerias, in the so called West Wing with staircase, on the second day of research, two hoards were discovered with a significant quantity of archaeological material. It consisted of 367 bronze folis and semi-folis from the 6th century, one rhomb-shaped bronze pendant with a red glass paste insert, six black amber vertebrates and many other necklace beads. Among the finds, two crosses, cast in liquid silver, decorated in filigree technique and with glass paste, stand out. Chronologically both are from 6th century AD.
Both of these silver crosses represent specific specimens of Stobi’s stavrography from the period of Early Christianity. The materials and the techniques that were used are putting an accent on these two crosses as an unique objects not only in Stobi’s collection but also in the Macedonian national collection of crosses. The uniqueness of their elegance and refinement is very visible in the wonderful details that are incorporated in the design by the hands of the skilled craftsmen.
Библиографија
- Leksikon ikonografije, liturgike i simbolike zapadnog hriscanstva, Zagreb 1990
- Lemerl P., 2000, Istorija Vizantije, Beograd
- Лилчиќ B., 2004, Ранохристијанска црква, Скопје
- Lowden J., 1997, Early Christian & Byzantine Art, New York
- Манева E., 1992, Средновековен накит од Македонија, Скопје
- Mapjanosuh-Byjosuh Г., 1987, Крстови од VI до ХІІ7 века из збирке Народног2 музеја, Београд
- Микулчиќ И., 2003, Стоби - антички град, Скопје
- Миловановии Д., 1993, Крстови (од 5. века до 1993 године), Музеј примењена уметности, Београд
- Петровии P., 1997, Kpcmoeu византиског царства, Београд
- Rebic A., 1983, Bibliske starine, Zagreb
- Seymour W.W., 1981, The Cross in Tradition, History and1 Art, New York 1987
- Studies of Antiquities of Stobi, T. Veles
- Chevalier J. - Gheerbrant A., 1983, Recnik simbola, Zagreb